[كتاب صوتي] مواجهة الإعتراضات

الاعتراض هو اهتمام، طيب لو الاعتراض ده يمكن حله يتحول إلى احتياج، بنسميها فرصة طبعًا، يعني مثلًا واحد بيقول لك: والله المُنتج بتاعك أنا مش هقدر أشتريه بالسّعر ده، لو خليت سعره النص هشتريه إن شاء الله، ده اعتراض لا يمكن حله، خلاص؟ إنت مش هتكسب كلّ النَّاس إللي في الدّنيا برضو يا جماعة.
إنَّما الاعتراض إللي يمكن حله زي إن لون العربية فيه مثلًا مُشكلة، هستغل الفرصة وأجيب له اللون إللي عايزه، فسأله سؤال مغلق - السّؤال مغلق ده إحنا أخدناه بقى (المشكلة و الحل) لو تفتكروا- فهقوله: يعني لو أنا جبت لحضرتك اللون الأسود –مثلًا- خلاص هتشتري؟ هنا أصدقائي الهدف إن أنا أحول الفرصة دي إلى احتياج حقيقي.
لو قال لي: آه يبقى أنا كده خلصت البيعة، طالما عندي اللون الأسود ماشي الحال؟
إنَّما الخوف إن أنا أقول له: آه طب ده أنا عندي اللون الأسود، يروح مطلع لي اعتراض تاني فعلشان كده بسأل هذا السّؤال المعروف.