كاميرة طرزان

كتير بنمشي في حياتنا محيرنا سؤال مين طفا النور؟ وبنقعد طول الرحلة بتاعتنا ندور على اللي بيطفي النور واللي بيدمر حياتنا، لحد ما نفاجأ في الآخر بس في الآخر أوي ده لو اكتشفنا.. !! إن احنا اللي طفينا النور كاميرة طرزان .. فكرة بتقربلنا أوي طريقة عمل عقلنا وبعرفك من خلالها سر الخلطه، وأزاي عقلنا بيشتغل وأزاي بيصور الواقع ويستخدم الصور عشان يرسم منها لوحة حياتنا ومستقبلنا، علشان كده جيتلك بكتاب يشرحلك بطريقة سهلة بسيطة وعملية أزاي تقدر تتحكم في اللي بيدخل في عقلك وأزاي تقدر تبني جدار أفكارك ازاي تظبط مشاعرك وتريح نفسك , جيتلك بكتاب لو أنت طالب أو خريج أو بتشتغل، لو أنت أب أو أم أو ابن أو ابنه , لو أنت شاب أو أنت شابة بتدور على شريك الحياة، لو أنت متزوج أو أنت متزوجة ومش متفاهمين، من الآخر جيت بكتاب للجميع، للقارئ ولقليل القراءة واللي مبيقرأش أصلًا أتمنى الكتاب يرد على كل أسئلتك وأكيد هيسيب بصمة في حياتكم وكل ما تقرؤه أكتر كل ما البصمة هتكون أكبر بإذن الله