يا صغيرة على الهم يا لوزة

عنوان الكتاب يوحى بأنه كتاب كوميدي هزلي لكنه غير كده. وطبعاً ده مش معناه إن الكتاب من النوع النكدي. لكنه بيحكي مُعاناة أغلب البنات ألى نفسهم يجاروا تطور الحياة , الحياة، لكنهم مُقيدين بعادات وتقاليد وهوية شرقية قربت تنتهى من حياتنا... يا ترى البنات عايزين إيه ؟!
- - تعليم حلو! شُغل ومنصب كبير ! فلوس كتيرة ! حب ورومانسية وراجل مُخلص ! زواج وأولاد وحياة مُستقرة !!
- الحقيقة البنات في الزمن ده , عايزين كل الحاجات دي وأكتر كمان .
عايزين حرية , عايزين إستقلالية , تطّلع أكتر على الحياة .
- زمان كان في مقولة بتقول " محدش بياخُد من الدنيا كل حاجة "
- لأ , الحقيقة إن في دلوقتي بنات بتقدر تاخد من الدنيا كل حاجة , بس ده بيحصل في وجود مقومات مُعينة زي كده : ذكاء شخصي , أهل مُتفتحين ومُتفهمين , شطارة وفهلوة وحب للمُجازفة .
- لكن للأسف البنات اللي مش بتتوفر لديهم هذه المقومات , بتاخُدهم الدنيا وبيكبروا وبنلاقيهم بيكلموا نفسهم وبيقولوا : " يا صغيرة على الهم يا لوزة "
#ياصغيرة_علي_الهم_يالوزة